Алдан оройуонугар «Лена» федеральнай трассаҕа капитальнай өрөмүөннэммит икки муоста үлэҕэ киирдэ. Бу туһунан «Лена» Упрдор ФКУ пресс-сулууспатыгар иһитиннэрдилэр.
Безымянный уонна Кытай-Бараҕа үрэхтэри туоруур муосталар саҥардылыннылар. Исписэлиистэр хас биирдиилэригэр цемент-бетон сабыыны тэлгэттилэр, плиталарын уларытылар уонна тирэх чаастарын солбуйдулар.
Маны таһынан русло уонна откос бөҕөргөтүлүннүлэр, ууну сүүрдэр ситимнэр уонна ыраастыыр тутуулар оҥоһулуннулар.
Суол-иис куттала суох буолуутун таһымын үрдэтэргэ эбийиэктэргэ аҕыраада, саҥа суол бэлиэлэрэ туруорулуннулар, оҥордулар.
This post was published on 07.11.2025 16:27 16:27