20 От ыйа 20.07
  • 22°
  • $ 88,02
  • 96,04

Саха сиригэр "Үлэ сылын" логотибын бигэргэттилэр

09:25, 30 января 2023
Текст:
Читайте нас на
Яндекс Новости
ЯДВ

Саха сиригэр «Үлэ сылын» логотиба бигэргэннэ. Фирменнай тутула үгэстэргэ уонна национальнай колоритка олоҕурда, диэн суруйар СИА.

Саха сиригэр Үлэ сыла 2023 сылга биллэрилиннэ. Сыала — күүһү, кыаҕы уонна энергияны уопсай сыал, Аҕа дойду инники сайдыытыгар холбуурга ананар. Айсен Николаев бэлиэтээбитинэн, Үлэ сылыгар Саха сирин дьоно-сэргэтэ бэйэлэрин үлэлэрин туску туһугар бөҕөргөтүөхтэрэ. Бу олоҕу тупсарыа, кэскилгэ тирэх буолуо.

Логотип оҥоруутугар Үлэ министиэристибэтэ тэрийбит куонкурсугар киирбит Матвей Новиков үлэтэ сүрүн буолла. Барыта 80 бырайыак киирбититтэн, чуолаан, кини уруһуйа, Үлэ сылыгар ис өйдөбүлү биэрэринэн, ордугунан сыаналанна. Бырабыыталыстыба бэрэссэдээтэлин солбуйааччы Ольга Балабкина эппитинэн, фирменнай тутула Саха сирин үгэстэригэр уонна национальнай колоритка олоҕурда.

Логотип төгүрүк киэптээх – быстыбат олох бэлиэтэ, сомоҕолоһуу, күн бэлиэтэ, олох, күүс, харысхал. Төгүрүк «Кымырдаҕас ойуу» орнаменынан оҥоһуллубут. Кымырдаҕас үлэни таптыыр, тулуурдаах, сомоҕо күүс, кэлэктиип, айымньылаах үлэ.

Ортотугар дьон ойууланар – өрөспүүбүлүкэ сүрүн баайа, хамсатар күүс, киэн туттуута.

Үөһэнэн — ураһа, саха норуотун дьиэтэ. Уопсай дьиэни ойуулуур — өрөспүүбүлүкэни.

Алларанан «шестеренка» – үлэ бэлиэтэ, прогресс уонна тохтоло суох инники барыы, техническай уона научнай прогресс, модернизация.

Хонуу, Саха сирин өрүстэрин долгуннарын өҥнөрө — логотибы ситэрэн-хоторон биэрэр.

Следите за самым важным и интересным в Telegram-канале и WhatsApp-группе ЯСИА