Өлүөнэҕэ муус үөскээһинэ нуорма иннинэ саҕаланна. УГМС иһитиннэрбитинэн, Сангар – Эдьигээн өрүс учаастагар муус туруктаах үөскээһинэ нуорматтан 1-3 суукка эрдэ бэлиэтэннэ.
Алдан өрүскэ Суон-Тиит гидропост таһынан уонна Эльдикан — Дьааҥы Перевоз учаастагар бастакы муус омооно көһүннэ, кыралаан кыдьымахтаан эрэрэ эмиэ бэлиэтэнэр. Аммаҕа Буяга гидропост таһынан муус быһыыта көһүннэ, элбэх сыллаах орто көрдөрүүттэн 2 суукка хойутаан үөскээтэ.
Абый оройуонун Белай Горатын туһунан Индигиркэҕэ элбэх сыллаах орто болдьохтон 2 суукка эрдэ муус бүрүөһүнэ үөскээтэ. Чокурдаахха 4 күн хойутаан бигэ муус үөскүүр.
This post was published on 09.10.2025 18:22 18:22