Саха сиригэр Өлүөнэ өрүс арыллыахтаах болдьоҕуттан үс суукканан эрдэлээтэ. Ыам ыйын 11 күнүгэр Ленскэй оройуонун сиригэр- уотугар муус устан эрэр.
Саха сиринээҕи ЫБМ иһитиннэрэринэн, муус алын тардыыта Ленскэй оройуонун Витим бөһүөлэгин оройуонугар, Үөһээ өттө — Саха сирин кыраныыссатыттан 121 км ыраах сытар. Уу таһыма 539 см буолла, критическэй таһыма 950 см.
Күнү-дьылы кэтээн көрөөччүлэр сылыктыылларынан, Өлүөнэ өрүс Табаҕа – Дьокуускай – Кангаласс учаастагар ыам ыйын 16-19 күннэригэр арыллара күүтүллэр.
«Саха сирин сиригэр гидрологическай быһыы-майгы сылыктааһыҥҥа сөп түбэһиннэрэн иһэр, критическэй таһымнаах уу бэлиэтэммэт. Арассыыйатааҕы ЫБМ регионнааҕы управлениетын оперативнай бөлөҕүттэн 54 киһи уонна 12 тиэхиникэ үлэлиир», — диэн Саха сиринээҕи ЫБМ иһитиннэрдэ.
This post was published on 11.05.2023 11:03 11:03