Уһук Илиҥҥэ тутаах инфраструктуралаах бырайыак Өлүөнэ муостатын тутуу кыраапык быһыытынан барар. Бу туһунан Саха сирин бырабыыталыстыбатын бэрэстээтэлэ Кирилл Бычков «Саха» НКИК телеханаалыгар өрөспүүбүлүкэ судаарыстыбаннай былааһын ситэриилээх органнарын үлэлэрин түмүк отчуотун кэмигэр иһитиннэрдэ.
Бырабыыталыстыбатын бэрэстээтэлэ өрөспүүбүлүкэ олохтоохторугар тутуу былаан быһыытынан баран иһэрин бигэргэттэ.
«Өссө төгүл тутуу көхтөөхтүк баран эрэрин бэлиэтиэхпин баҕарабын. Былырыын бөдөҥ конструкциялар, коффердамнар оҥоһуллубуттара, быйыл хайыы- үйэ өрүс төрдүгэр угуллуохтара», — диэтэ Бычков. Ону сэргэ бастакы тирэх туруоруллубутун, сыбаайа хонуутунууну туруоруу үлэтэ кыһыҥҥы кэмҥэ, табыгастаах сезоннай усулуобуйаны туһанан салҕанан баран иһэрин эттэ.
Санатан эттэххэ, Россия президенэ Владимир Путин өйөбүлүнэн уонна дойду бырабыыталыстыбатын быһаарыыларынан, Өлүөнэ муостат «Олох Инфраструктурата» национальнай бырайыакка киллэриллэн, федеральнай үбүлээһини ылбыта.
This post was published on 13.03.2026 16:05 16:05