Бырабыыталыстыба бэрэссэдээтэлин бастакы солбуйааччыта Кирилл Бычков Усуйаана улууһугар тутуллуохтаах кыра кыамталаах атомнай ыстаансыйа боппуруоһун көрдө. Билигин бырайыак иннинээҕи үлэлэр ыытыллаллар. Инвестиция чуолкайданар, судаарыстыбаннай экологическай экспертиза ыытыыга матырыйаал бэлэмнэнэр, СИА-ҕа өрөспүүбүлүкэ сүрүн пресс-сулууспата иһитиннэрдэ.
2021 сыл бэс ыйыгар Усть-Куйгаҕа атомнай ыстаансыйа тутуутунан уопсастыбаннай истиилэр буолбуттара. Саҥа эбийиэк тулалыыр эйгэҕэ дьайыытыгар уонна АСММ-ҥа анаан лицензияны ылыыга чопчулааһыннарга. Билигин бырайыак иннинээҕи үлэ ыытыллар.
Саҥа тутуу Усть-Куйга, Казачье, Депутатскай нэһилиэнньэлээх пууннарын уонна промышленнай тэрилтэлэри электричество уотунан хааччыйыыга туһаайыллыаҕа. Биир сүрүн туһанааччынан Күчүстээҕи кыһыл көмүһү хостуур сир буолар. Операторынан «Селигдар» ПАО үлэлиир. Манна 2022 — 2024 сылларга геологическай-чинчийэр үлэлэр, технологическай регламент оҥоруута ыытыллаллара бэлиэтэннэ.
Комплексы бырайыактааһын уонна тутуу 2025-2026 сылларга былааннар.
This post was published on 26.01.2022 17:01 17:01