Саха сиригэр Аҕа дойду улуу сэриитигэр Кыайыы 80 сылыгар анаммыт тэрээһиннэр саҕаланнылар. Ол туһунан Ил Дархан Айсен Николаев «Саха» ГТРК «Прямой разговор» биэриитигэр кэпсээтэ, суруйда ЯСИА.
«Аҕа дойду улуу сэриитигэр Кыайыы 80 сыла — биһиги дойдубутугар олус суолталаах даата. Саха сирэ дойдуну кытта бу үбүлүөйдээх сылга тэҥҥэ үктэннэ. Билигин ылыллыбыт былааннар туолуулара саҕаланна. Ааспыт сыл бүтүүтэ «Кыайыы Знамята» эстафетаҕа старт биллэрбиппит», — диэтэ өрөспүүбүлүкэ баһылыга.
Ил Дархан өрөспүүбүлүкэтээҕи эстафета саха норуотуттан Сэбиэскэй Союз Геройа ааты ылбыт Федор Попов төрөөбүт сириттэн — Мэҥэ Хаҥалас улууһуттан — 2024 сыл ахсынньы 28 күнүгэр стартаабытын эттэ. Знамя Уус Майа, Алдан, Нерюнгри оройуоннарыгар сырытта, билигин Уус Алдаҥҥа баар.
This post was published on 21.01.2025 14:04 14:04