Дьокуускайга уонна кэккэ улуустарга кулун тутар 12 күнүгэр эмискэ сылыйыы күүтүллэр. Киин куоракка температура -2 кыраадыска, арҕаа улуустарга — +3-кэ диэри үрдүөҕэ. Ол туһунан ЯСИА-ҕа УГМС начальнигын солбуйааччы — гидрометкиин начальнига Татьяна Маршалик кэпсээтэ.
«Саха сиригэр кулун тутар кыһыҥҥы ыйынан ааҕыллар да буоллар, бу нэдиэлэҕэ хас да циклон тахсарынан сибээстээн, нуултан үрдүк температура кылгас кэмнээх үрдээһинэ көстөр. Онуоха сааскы сылыйыы туһунан билиҥҥитэ кэпсэтиэххэ эрдэ», — диэн Татьяна Маршалик бэлиэтээтэ.
Синоптик кэпсииринэн, циклоннартан биирдэстэрэ – хаар — регион арҕаа өттүгэр ыалдьыттыыр. Циклон Ленскэй уонна Өлүөхүмэ оройуоннарыгар көһө сылдьар температуралаах ириэриини аҕалла -2…+3. Циклон инники өттө Мииринэй, Өлөөн уонна Эдьигээн оройуоннар үрдүлэринэн ааһар, онно 19-24 м/с диэри буурҕа күүтүллэр.
«Дьокуускайга сылаас күн-дьыл кулун тутар 12 күнүгэр кэлиэҕэ. Өрөспүүбүлүкэ киин куоратыгар күнүс -2…-3 кыраадыс уонна хаар түһэрэ күүтүллэр. Салгыы циклон хотугулуу-илин ааһан истэҕинэ, Саха сирин киин өттүгэр 10-15 м/с диэри тэтимнээх тыал киллэриэҕэ», — диэн Маршалик иһитиннэрдэ.
Нэдиэлэ иккис аҥарыгар, УГМС бэлиэтииринэн, өрөспүүбүлүкэ сирин үрдүнэн уочараттаах соҕуруу циклон тахсара күүтүллэр. Атмосфернай көстүү -2…-3 кыраадыска диэри ириэриини уонна Алдан уонна Нерюнгри оройуоннарыгар элбэх хаар түһүүтүн аҕалыаҕа. Циклон киин улуустары эмиэ таарыйыаҕа. Циклоннар аастахтарына өрөспүүбүлүкэ үрдүнэн салгын температурата намтыаҕа.
