2024 сылга «Культура» национальнай бырайыак чэрчитинэн федеральнай үбүлээһин Саха сирин алта музейын өрөмүөнүгэр уонна саҥардыытыгар көрүллэр. Бу сыалга 6 мөл солк тахса үп көрүлүннэ, ол иһигэр федеральнайдааҕы бюджеттан 5,8 мөл солк. Ол туһунан регион салалтатын пресс-сулууспата суруйар.
Холобур, Бүлүүтээҕи П.Х. Староватов аатынан кыраайы үөрэтэр музейга 32 саҥа витрина баар буолла. Атырдьах ыйын ортотугар шарнирнай манекеннар туруоруллуохтара, балаҕан ыйыгар тупсарыллыбыт, саҥардыллыбыт сааланы арыйыахтара.
Горнай улууһун Мытааҕар музей-галереяҕа саҥа оргтехника, интерактивнай оборудование, фотокамера, голографическай пирамида, виртуальнай промоутер, витрина ылылынна.
Эдьигээҥҥэ уонна атын улуустарга эмиэ саҥардыы барар.
Санаттахха, «Культура» национальнай бырайыагы 2019 сыллаахха дойду президенэ Владимир Путин көҕүлээбитэ.
This post was published on 25.07.2024 10:35 10:35