Бу күннэргэ социальнай ситимнэринэн куйуур бобуллубутун туһунан сурах тарҕанна, суруйар Саха сирэ саайт.
СӨ Экологияҕа, айылҕаны туһаныыга, ойуур хаһаайыстыбатыгар министиэристибэтин Ууга сыһыаннаһыыга уонна балыктааһыны сүрүннээһиҥҥэ департаменын салайааччытын солбуйааччы Прокопий Кириллин «Саха сирэ» саайтыгар маннык хоруйдаата:
— Куйуур бобуллубат. Илим тэриллэригэр киирсэрин быһыытынан, быраабыланан учуокка туруохтаах. «Росрыболовство» ол учуоту оҥорор. Босхо оҥоһуллар. Билигин «Госуслуги» портал нөҥүө киирэн толотторуохха сөп. Манна киирэн сайабылыанньаҕын толороҕун, балыктыыр тэрилиҥ кээмэйин ыйаҕын. Хас биирдии балыксыкка нүөмэр бэриллэр. Ол нүөмэргин уонна ааккын-суолгун биркаҕа суруйан, куйуургар иилэҕин. Бу нүөмэри биирдэ эрэ ылаҕын.
Дьэ, онон «этэрбэс араадьыйатыгар» итэҕэйбэккэ, нүөмэргитин ыларга тиэтэйиҥ. Уонна өбүгэлэрбититтэн илдьэ кэлбит дьарыкпытынан дьарыктаныҥ — куйуурдааҥ.
Учуокка тураргытыгар бу сигэнэн туһаныҥ.
This post was published on 28.03.2025 17:01 17:01