Саха сиригэр кэнники сууккаҕа 79 киһи коронавируһунан ыарыйда. Ол туһунан оптуорунньукка өрөспүүбүлүкэтээҕи суһал штаб иһитиннэрэр. Өрөспүүбүлүкэ киин куоратыгар 24 киһи ыалдьыбыта бигэргэннэ.
Оройуоннарга коронавирус статистиката:
Мииринэйгэ уонна Өлүөхүмэҕэ – биэстии;
Абый уонна Сунтаар улуустарыгар – 4-түү;
Үөһээ Халыма, Ленскэй, Нерюнгри, Орто Халыма, Өймөкөөн уонна Уус-Майа оройуоннарыгар – 3-түү;
Алдан, Амма, Анабаар, Үөһээ Бүлүү, Мэҥэ Хаҥалас уонна Кэбээйи улуустарыгар –2-лии;
Бүлүүгэ, Горнайга, Аллараа Халымаҕа, Өлөөҥҥө, Уус Алдаҥҥа, Хаҥаласка уонна Эбээн-Бытантайга – 1-дии.
Сууккаҕа өрөспүүбүлүкэ лабораториялара коронавируснай инфекцияҕа 412 чинчийиини ыыттылар. Пандемия саҕаланыаҕыттан барыта 2 608 тест оҥоһуллубут. Санатан эттэххэ, бигэ иммунитеты үөскэтэргэ хас да төгүл вакцинацияны ааһыахха наада.
This post was published on 18.10.2022 11:02 11:02