Саха сиригэр "капремонт" иһин төлөбүр 10% эбиллэр

Тохсунньу 1 күнүттэн Саха сиригэр элбэх кыбартыыралаах дьиэлэргэ хапытаалынай өрөмүөн иһин төлөбүр усунуоһа эбиллэр. Ортотунан 10%. Ол туһунан тустаах пуонда кылаабынай инженера Петр Эверстов эттэ, суруйар ЯСИА.

Эверстов быһаарбытынан, лиибэ суох таас дьиэҕэ 1 кв.м. — 11,55 солк төлөнөр эбит буоллаҕына, ол 12,71 солк тэҥнэһиэҕэ. Саҥа тарыыпка дьиэ гаастааҕа учуоттаныаҕа.

Кылаабынай инженер сыана улаатыыта тутуу матырыйаала уонна өрөмүөн үлэтэ ыараабытын кытта сибээстээҕин эттэ.

Бэлиэтээтэххэ, өрөспүүбүлүкэҕэ хапытаалынай өрөмүөҥҥэ төлөбүргэ компенсация хас да көрүҥэ баар.

This post was published on 11.12.2024 14:08 14:08