Сунтаар улууһун Элгээйитин 27 саастаах олохтооҕо түөкүн, албын дьаайытын иһин буруйдааҕынан ааҕылынна. Эдэр дьахтар бэйэтин «көрбүөччүбүн» дэммит, СИА-ҕа регионнааҕы борокуратуура иһитиннэрдэ.
Кини, харчыланар туһуттан, батсаабынан сымыйа биллэрии ыытар. Онно хаартысканан көрөн сэрэбиэйдиибин, таайабын, ыраастыыбын уонна араас ыарыыттан эмтиибин диэн суруйар.
Киниэхэ Эдьигээн олохтооҕо сибээскэ тахсар. Онуоха «көрбүөччүбүн» дэнээччи тус кини уонна кини чугас дьонун тас эйгэлэрин ыраастыыбын диэн албыннаан, барыта холбоон 220 тыһ.солк ылар.
27-лээх дьахтар Өлүөнэ диэн ааттаах саастаах көрбүөччү буоларын кэпсиир, төлөпүөнүнэн кэпсэтэр кыаҕа суоҕун иһитиннэрэр, онон кэпсэтии барыта батсаабынан уонна СМС нөҥүө ыытыллар.
Холуобунай дьыаланы көрүү түмүгэр, судаарыстыбаннай буруйдааччы этиитин, буруйданааччы кыра састаах оҕолордооҕун, буруйун билиммитин, кэмсиммитин учуоттаан, суут кинини 2 сыл 6 ый болдьохтоон, «условно» диэн бэлиэлээх көҥүлүн быһар.
Бириигэбэр сокуоннай күүһүгэр киирэ илик, онон өрүттэринэн ааһыныыга барыан сөп. Холуобунай дьыала Россия ИДьМ силиэстийэлиир салаатын Сунтаардааҕы силиэдэбэтэллэринэн ыытылынна.
This post was published on 09.02.2021 18:01 18:01