Айсен Николаев национальнай художественнай музей генеральнай дириэктэрэ Влада Тимофееваны кытта көрүстэ.
Ил Дархан музей этиитин өйөөтө уонна бэс ыйыгар Судаарыстыбаннай Нуучча музейыттан «Иван Айвазовский и другие русские маринисты» улахан быыстапканы тэрийэри эттэ.
Иван Айвазовскай улахан болотунаҕа уруһуйдарын Саха сиригэр аан бастаан аҕалыахтара. Экспозиция арыллыытын бэс ыйын 1 күнүгэр былаанныыллар.
Тэрээһин Россияҕа дьиэ кэргэн, Саха сиригэр Оҕо саас сылларыгар ананыахтара.
Көрсүһүүгэ бырабыыталыстыба өйөбүлүнэн улахан быыстапкалары тэрийии туһунан кэпсэттилэр. «Биһиги быыстапкалары тэрийиигэ уопутурдубут, Саха сирин олохтоохторо сөбүлээн сылдьаллар», — диэтэ баһылык.
This post was published on 13.02.2024 15:27 15:27