Бэҕэһээ бүтүн Россиятааҕы «Цифровой прорыв. Сезон: искусственный интеллект» чемпионат Саха сиригэр саҕаланна. 158 IT-исписэлиис, ол иһигэр 58-һа өрөспүүбүлүкэттэн сайаапка киирдэ.
Сайаапкалары тутуу алтынньы 28 күнүгэр диэри ыытыллар. Регистрацияламмыттарга сотору кэминэн «IT-прокачка» саҕаланыаҕа: экспертэри кытта тренировкалыыр сорудахтар, маастар-кылаастар уо.д.а.
Тэрээһиҥҥэ ким баҕалаах бары кыттар. Информация сигэлэринэн бу ханаалларга баар: официальнай сайт, VK уонна Telegram.
Инновация миниистирэ Анатолий Семенов эппитинэн, куонкурус уопуттаахтарга эрэ буолбакка саҥа саҕалааччыларга эмиэ ыытыллар. «Чемпионат улахан спорт кэриэтэ, элбэх саҥаҕа үөрэниэххэ сөп, биир санаалаахтарын кытта билсэр, бэйэлэрин өрөспүүбүлүкэҕэ уонна Россияҕа биллэрэллэр», — диэтэ кини.
This post was published on 06.10.2022 15:29 15:29