Хаартыска: Андрей Сорокин/ЯСИА
«Кэмпириэнсийэ бэйэтин историятыгар Саха сирин тыһыынчаттан тахса оҕо ситиһиитигэр суолун арыйан биэрдэ. Бастакы президент Михаил Ефимович Николаев саҕалаабыт кэмпириэнсийэтэ саҥа технологияларга уонна бырайыактарга сүрүн платформаҕа кубулуйда. Мин бүгүн кэмпириэнсийэ кыттыылаахтарын кытта кэпсэттим, бырайыактарын билистим. Научнай чинчийиилэр, интэриэһинэй инновационнай оҥорон таһаарыылар сөхтөрдүлэр. Сылын аайы эдэр чинчийээччи оҕо элбии турара үөрдэр. Ити аата «Инникигэ хардыы» тиэмпэтин күүһүрдэр, наука эйгэтигэр уонна технологияҕа оҕолору уһуйар, ол аата — Саха сиригэр киһи хапытаалын сайдыытыгар усулуобуйа тэрийэр», — диэтэ Ил Дархан Айсен Николаев.
Регион баһылыга эдэр чинчийээччилэргэ ситиһиини, саҥа билэ-көрө сатыырга дьулуурдарын сүтэрбэттэригэр, дьоҥҥо, ийэ дойдуга туһаны аҕалалларыгар, сыалларын ситиһэллэригэр баҕа санаатын эттэ.
Кыайыылаахтар уонна призердар Россия таһымнаах кэмпириэнсийэлэргэ кыттарга туоһу сурук тутуохтара.
This post was published on 09.01.2025 18:05 18:05