Саха сиригэр иккис муус суол үлэтин саҕалаата. 5 туоннаҕа диэри уйуктаах массыыналарга Эдьигээн — Аэропорт хайысханан Стрекаловканы туоруурга суол арылынна.
Күн иннинэ Муома оройуонугар 3 туоннаҕа диэри уйуктаахтарга Хонуу — Буор Сыһыы туһаайыытынан арыллыбыта, Индигирка эбэни туоруурга.
«Өрөспүүбүлүкэ территориятыгар учуокка 47 муус суол баар. Бүгүн Муомаҕа уонна Эдьигээҥҥэ суол официальнайдык арылынна. ГИМС иниспиэктэрдэрэ көҥүлэ суох муус суолларынан айанныыры бобууга рейдэлэри ыыталлар», – диэтэ Майя Алексеева, ЫБММ Саха сиринээҕи салаатын уу эбийиэктэригэр дьоҥҥо куттал суоһаабатыгар отдел начальнига.
Саха сиригэр кыһыҥҥы суоллар барыллаан арыллыыларын кыраапыгын манна көр.
This post was published on 12.11.2024 17:01 17:01