Саха сиригэр бээтинсэ сарсыарда, атырдьах ыйын 15 күнүгэр, икки ойуур баһаара бэлиэтэннэ. Бу туһунан регион экологияҕа министиэристибэтэ иһитиннэрэр.
Уот Бүлүү уонна Кэбээйи оройуоннарын территорияларыгар 28,5 гектар иэннээх сиргэ бэлиэтэннэ. Умуруорууга 47 киһи кыттар.
Ааспыт сууккаҕа Ньурба оройуонугар биир баһаар умуруорулунна. Баһаар кутталын сезона саҕаланыаҕыттан Саха сиригэр уопсайа 159 891,3 га иэннээх 311 ойуур баһаары бохсулунна.
Баһаары утары оһуобай эрэһиим Дьааҥы, Өлүөхүмэ, Чурапчы уонна Эбээни-Бытантай оройуоннарыгар уонна Жатайга биллэриллибиттэрэ.
This post was published on 15.08.2025 13:32 13:32