Дьокуускай куорат үс олохтооҕо Булуҥ улууһун сиригэр-уотугар 2021 сыл бэс ыйыттан атырдьах ыйыгар диэри сыаналаах балык боруодаларын салгыы атыылыыр сыаллаах туппуттар. Хоромньу уопсай суумата 104 мөл. солк. буолбут, диэн СИА- ҕа СӨ силиэстийэтин Пресс-сулууспата иһитиннэрдэ.
Буруйданааччылар тууччаҕы, били, сибиирдээҕи хатыыһы уопсайа 700- тэн тахса устууканы, ону тэҥэ Ленскэй хатыыһы туппуттар. Тутуллубут балыктан барыта 216,9 киилэ искэҕи хостообуттар.
Онуоха аан дойдутааҕы эргиэнин Конвенциятын быһыытынан, бу балыктар бары сүтэр кутталлаахтар, онон мээнэ балыктыыр көҥүллэммэт. 1973 сыл кулун тутар 3 күнүттэн Арассыыйа федерацията бу конвенцияҕа киирсэр.
Силиэстийэ процессуальнай үлэни ыыппытын түмүгэр буруйдуур түмүгү таһаардылар. СӨ прокурорун солбуйааччы буруйдуур докумуону бигэргэттэ, холуобунай дьыала суукка ыытылынна.
