Российскай Федерация Сэбилэниилээх күүстэрин кэккэтигэр байыаннай сулууспаҕа хантаараак түһэрсиэн баҕалаах гражданнар «яконтракт14.рф» саҥа саайтка киирэн, сайаапка хаалларыахтарын сөп. Инструктордар киирбит сайаапкаларынан кылгас болдьох иһигэр пууҥҥа эбии иһитиннэриилэри бириэхтэрэ.
Дьокуускай, Нерюнгри уонна Мииринэй пууннарынан дойду Сэбилэниилээх күүстэрин хаҥатыыга үлэлэрин салгыыллар. Хас биирдии хандьыдааты кытта пуун инструктордара кэпсэтэллэр, ол түмүгүнэн байыаннай идэтин быһаараллар.
Хантараагынан сулууспалыыр байыастарга көрүллэр социальнай чэпчэтиилэр уонна мэктиэлэр туһунан иһитиннэриилэри маннык аадырыстарынан ылыахха сөп: Дьокуускайга — Чепалов уулусса, 23 дьиэтэ, Сэргэлээхтиир шоссе, 1 дьиэтэ, Нерюнгрига — Чурапчинская уулусса, 33 куорпус 3 дьиэтэ, Мииринэйгэ – 40 лет Октября уулусса, 26 дьиэтэ. Бары кииннэр 09:00-18:00 ч. өрөбүлэ суох үлэлииллэр. Ону тэҥэ байыаннай комиссариакка уонна дьаһалтаҕа тиийиэххэ сөп.
Онуоха маннык докумуоннардаах буолуохтаахтар: пааспар, СНИЛС, ИНН, үөрэх докумуона, байыаннай билиэт, оҕо төрөөбүтүн уонна оҕоломмутун туһунан туоһу сурук.
Хантараагынан байыаннай сулууспаҕа киирбит дьоҥҥо биир кэмнээх төлөбүрдэр төлөнөллөр: СӨ — 1 мөлүйүөн 800 тыһыынча солкуобай, Российскай Федерация Оборуонатын министиэристибэтэ — 400 тыһыынча солкуобай. Ону тэҥэ муниципальнай тэриллиилэриттэн — 400 тыһыынча солкуобай.
Сиһилии суукканы быһа төлөпүөнүнэн эрийэн билсиэххэ сөп: 8 (4112) 32-10-40, 8 (924) 166-13-93, ону таһынан службапоконтракту14.рф. саайтка.
This post was published on 18.07.2025 18:02 18:02