Сааскы халаан уута чугаһаабытынан, муус устар 29 күнүттэн Саха сирин территориятыгар күүһүрдүллүбүт бэлэм эрэсиимэ олохтонор, РСЧС территориятааҕы систиэмэтин бары күүстэригэр уонна сириэстибэлэригэр. Маннык быһаарыы муус устар 23 күнүгэр Ил Дархан Айсен Николаев бэрэссэдээтэллээх анал хамыыһыйа мунньаҕар этилиннэ.
«Сааскы халаан уута – Саха сирэ сылын аайы көрсөр айылҕа көстүүтэ. Сирбитин-уоппутун учуоттаан, сорох өрүстэр хааларыттан тахсыыларын тохтотор кыаллыбат. Биһиги сорукпут — хайдах да балаһыанньаҕа бэлэм буолуу. Биир ситимнээхтик үлэлээһинтэн, миэстэлэригэр суһаллык миэрэ ылыыттан элбэх тутулуктаах. Муҥутуур эппиэтинэстээхтик сыһыаннаһаргытыгар ыҥырабын», – диэтэ регион салайааччыта мунньах кыттыылаахтарыгар.
Сиһилии манна аах.
This post was published on 24.04.2025 14:01 14:01