29 Кулун тутар 29.03
  • -12°
  • $ 92,26
  • 99,71

Саха сиригэр халаан уутун содулун туоратыыга 90 мөл солкуобайы көрдүлэр

Читайте нас на
Яндекс Новости
ЯДВ

Сааскы халаан уутун содулларын туоратыыга 69 мөл. солк. регион бүддьүөтүттэн уонна 20 мөл. солк. олохтоох бүддьүөттэн көрүлүннэ. Харчыны Саха сирин суолун пуондатыттан биэрдилэр диэн, тустаах министиэристибэ пресс-сулууспата иһитиннэрэр.

«Суол пуондатын бүддьүөтүттэн үбүлэнэргэ сайаапканы ааспыт сылга ыыппыттара. Харчыны регионнааҕы, муниципальнай уонна олохтоох суолларга халаан уутун содулун туоратыыга туһаныахтара«, — диэтэ өрөспүүбүлүкэ тырааныспарын уонна суол хаһаайыстыбатын миниистирин бастакы солбуйааччы Анатолий Потапов.

Ыам ыйын 16 күнүгэр халаан уута аһары үрдээн, Орто Сурт нэһилиэк таһыгар баар  «Бүлүү» суола алдьаммыта.

Билигин сири үрдэтии үлэлэрэ бара тураллар. Уу таһыма түүн устата 3 см. аллараа түстэ.         Миэстэтигэр дьуһуурустуба тэриллибитэ, чөлүгэр түһэрэр үлэлэргэ 8 ед. тиэхиникэ уонна 5 киһи үлэлии сылдьар. Массыына суола арылынна.

Следите за самым важным и интересным в Telegram-канале и WhatsApp-группе ЯСИА
Тутаах тыллар