Быйыл Саха сиригэр үбүлүөйдээх күнү — өрөспүүбүлүкэҕэ хайыһар спордун 100 сылын бэлиэтиэхтэрэ.
Хайыһар күрэхтэһиилэрин киининэн Алдан ааҕыллар да буоллар, бу спорт араас көлүөнэ дьону түмэн, кырдьаҕас спортсменнарга, көхтөөх сынньалаҥы сөбүлээччилэргэ тиийэ үгүс улуустар олохторугар бигэтик киирдэ.
Үбүлүөйдээх сылга икки суолталаах хайысхаҕа ураты болҕомто ууруллуоҕа:
— хайыһар спордун бэтэрээннэригэр болҕомто ууруу, ол эбэтэр спорт бу көрүҥүн сайыннарыыга сыаната суох кылааты киллэрбит, уопуттарын эдэр көлүөнэҕэ тиксэрбит дьон өҥөлөрүн бэлиэтиир былааннаахпыт;
— тэрийээччилэр хайыһары өссө маассабай, умсугутуулаах, чэгиэн-чэбдик оҥорор туһугар өрөспүүбүлүкэ дьонун-сэргэтин спортка көҕүлүүр санаалаахтар.
2026 сыллааҕы үбүлүөйдээх тэрээһиннэрин халандаар былааннарыгар киирэн, чахчы чаҕылхай событиелары эрэннэрэр. Кыттааччылары уонна ыалдьыттары араас тэрээһиннэр күүтэллэр: улахан хайыһар марафоннарыттан саҕалаан, көрдөөх түүҥҥү күрэхтэһиигэ тиийэ. Маны таһынан бырагыраамаҕа ретро быыстапкалар, экспозициялар, Саха сирин хайыһар спордун историятыгар киирэн биэрэр биллиилээх хайыһардьыттары кытта көрсүһүүлэр, ону таһынан дьаарбаҥкалар уонна уопуттаах тренердэртэн уонна аатырбыт спортсменнартан маастар‑кылаастар киллэрилиннилэр.
«Үбүлүөйдээх тэрээһиннэри бэлэмнээһиҥҥэ көмөлөһөргө баҕалаах дьоҥҥо барыларыгар туһаайабыт. Бастатан туран, биһиэхэ өрөспүүбүлүкэ хайыһар сүүрүүтүн бэтэрээннэрин уонна биллиилээх тренердэрин туһунан информация суолталаах— кинилэр ахтыылара, ситиһиилэрэ, архыып хаартыскалара уонна докумуоннара кэлэр тэрээһиннэр сыаната суох чаастара буолуохтара. Маны сэргэ бырагыраамаҕа ханнык баҕарар идеялары, этиилэри ылыныахпыт: ыһыах былааныгар ханнык событиелары, киэптэри уонна көҕү киллэриэххэ сөбүн туһунан санааларгытын үллэстиҥ. Бииргэ 2026 сылы Саха сиригэр хайыһар спордун бары сүгүрүйээччилэригэр умнуллубат сылы оҥоруохпутун сөп. Этиилэргитин, информацияҕытын 89248623699 төлөпүөнүнэн ыытыаххытын сөп», — диэн «Алдан» спортивнай резервэ спортивнай оскуолатын пресс-сулууспата суруйда.
This post was published on 21.01.2026 11:11 11:11