Саха сиригэр сытыы респираторнай вируснай инфекциянан ыалдьыы сезоҥҥа үрдээһинэ регистрацияланар. А уонна В грипп ыарыытын бастакы түбэлтэлэрэ бэлиэтэннилэр. Бу туһунан регион доруобуйа харыстабылын министиэристибэтэ иһитиннэрэр.
Нэдиэлэҕэ 7200-тэн тахса киһи медицинскэй көмөнү ылла, олортон 68% — на 14 сааһыгар диэри оҕолор. Маны тэҥэ ОРВИ ыалдьааччыларын ортолоругар риновирус, парагрипп вирустара, аденовирус уонна COVID-19 коронавирус инники күөҥҥэ сылдьаллар. Аны ыарахан уонна кутталлаах ыарыылар сайдыыларыгар тиэрдэр А уонна В грипп бастакы түбэлтэлэрэ бэлиэтэннилэр.
“ОРВИ уонна грипп ыарыылара күһүҥҥү өрө көтөҕүллүүтэ салгын температурата намтаабытынан, сабыылаах дьиэлэргэ, бастатан туран, үөрэх тэрилтэлэригэр вирустар көхтөөхтүк атастаһыыларынан сибээстээх», — диэн бэлиэтииллэр Саха сирин доруобуйа харыстабылын министиэристибэтигэр.
Саха сирин олохтоохторун профилактиктика миэрэтин тутуһарга, ыалдьыбыккытын биллэххитинэ дьиэттэн тахсыбаккытыгар, бырааһы ыҥыраргытыгар, грипп утары вакцина ыларгытыгар эттилэр.
