Саха сиригэр грипп утары быһыыны 580 тыһыынча киһиэхэ туруораллара былааннанар

Саха сиригэр 2022/2023 эпидемиологическай сезон чэрчитинэн,  580 тыһыынча киһиэхэ грипптэн быһыыны биэриэхтээхтэр, бу нэһилиэнньэ 60% тэҥнэһэр. Кинилэртэн 363 тыһыынча улахан киһи, 217 тыһыынча оҕо, 1 тыһыынча хат дьахтар. Бу туһунан СИА-ҕа өрөспүүбүлүкэ доруобуйа харыстабылын министиэристибэтин пресс-сулууспатыгар иһитиннэрдилэр.

Сэтинньи 7 күнүнээҕи туругунан, 355 тыһыынчаттан тахса киһи быһыыны ылла, онтон 134 456 оҕо, 221 142 улахан киһи, бу киирбит вакцинаттан 80% туһаннылар. Былаан туолуута 61,3% тэҥнэстэ.

Бэлиэтээн эттэххэ, Саха сиригэр, бастатан туран, хроническай ыарыылаахтарга, медицина, үөрэх уонна социальнай эйгэ үлэһиттэригэр, кырдьаҕастарга, хат дьахталларга оҕолорго грипптэн быһыыны туруораллар.

This post was published on 07.11.2022 14:05 14:05