Саха Сиригэр гонконгнааҕы грипп тарҕаныыта саҕаланна. Сытыы респираторнай вируснай инфекциялар ыарыылара 17,6% үрдээтэ.
Роспотребнадзор Саха сиригэр иһитиннэрбитинэн, баара-суоҕа биир нэдиэлэҕэ 8 тыһыынчаттан тахса киһи ыарыйда. Олохтоммут вирустар ортолоругар риновирустар баһыйаллар. Гонконгнааҕы грипп диэн аатырар А (H3Н2) грипп ыарыыта бигэргэтиллибит түбэлтэлэрэ эмиэ бааллар.
Кини классическай симптомнардаах буолар уонна көннөрү грипп вируһуттан уратыта суох: эт-сиин ыалдьыыта, мөлтөөһүн, төбө ыалдьыыта, былчыҥ ыарыыта, үрдүк температура, тамах хатыыта уонна кураанах сөтөл. Итинник турук ортотунан 3-4 күн устата баар, онтон симптоматика сыыйа намтыыр.
Гонконгнааҕы грипптэн саамай элбэх содулларынан араас органнарга уонна систиэмэлэргэ бактериялар сүһүрүүлэрэ ааҕыллаллар. Бастатан туран, бу пневмония, гайморит, фронтит, отит уо. д. а.
Грипп вакцинацията
Билигин Саха сиригэр нэһилиэнньэни грипп утары иммунизациялааһын күүскэ салҕанар. 333 тыһыынча киһи, ол иһигэр 154 тыһыынчаттан тахса оҕо быһыы ылла.
Босхо вакцинацияны олорор эбэтэр үлэлиир сирдэринэн поликлиникаларга ылыахха сөп. Ону сэргэ көһө сылдьар быһыы туруорар биригээдэлэр үлэлииллэр.
This post was published on 30.10.2025 16:22 16:22