3 От ыйа 03.07
  • -7°
  • $ 104,68
  • 115,6

Саха сиригэр үгэс буолбут аан дойдутааҕы табаһыттар чемпионаттарыгар бэлэмнэнии барар

19:01, 17 февраля

2023 сылга Аллараа Халыма Черскэй бөһүөлэгэр буолуохтаах үгэс буолбут табаны иитиигэ норуоттар икки ардыларынааҕы чемпионатка бэлэм бара турар. Олунньу 17 күнүгэр өрөспүүбүлүкэ бырабыыталыстыбатын бэрэссэдээтэлин солбуйааччы Михаил Никифоров уонна Аллараа Халыма улууһун баһылыга Валерий Сентяков кыттыылаах рабочай бөлөх мунньаҕа буолла, диэн СИА кэпсиир.

Үгэс буолбут табаны иитиигэ аан дойдутааҕы чемпионат 2023 сыл муус устарыгар Аллараа Халыма Черскэй бөһүөлэгэр ыытыллара былааннанар. Чемпионат дьаһалларын былаана номнуо бигэргэтилиннэ, тэрийэр кэмитиэти билиннэ. СӨ Арктика сайдыытыгар уонна Хоту сир норуоттарын дьыалаларыгар миниистирэ Владимир Черноградскай иһитиннэрбитинэн, быйыл тэрээһиҥҥэ бэлэмннэнииигэ туһааннаах үлэни оҥорон саҕалыахтара. Ол быыһыгар, Черскэйгэ саҥа объектары тутууга уонна өрөмүөннээһиҥҥэ, ол үлэтигэр бэдэрээтчиттэри булууга бэлэм буолуоҕа. Аллараа Халыма улууһун баһылыга Валерий Сентяков Черскэй бөһүөлэгэр саҥа объектары тутуу өттүгэр ыытыллар үлэлэр тустарынан иһитиннэриини оҥордо.

СӨ Тырааныспарын министиэристибэтэ Черскэй аэропорда бу сыл бүтүүтэ портка сөмөлүөттэри түһэрэр кыахтаныа. Билигин аэродром самолетнай-посадочнай балаһатын аныгы оборудованиенан хааччыйыыга үлэ бара турарын иһитиннэрдилэр. Иһитиннэриини сэргэ үөрэх министиэристибэтэ, тыа хаһаайыстыбатын министиэристибэтэ, тырааныспар, архитектура уонна да атын биэдэмистибэлэр бэрэстэбиитэллэрэ кэпсэтиигэ кыттыыны ыллылар.
Следите за самым важным и интересным в Telegram-канале и WhatsApp-группе ЯСИА
0
0