«За проявленное мужество» мэтээлинэн Дьокуускайга герой оҕолору наҕараадалаатылар. Үс оскуола үөрэнээччитэ дьону уоттан быыһаата, суруйар ЯСИА.
«Биһиги оҕолорбут хорсун быһыыны көрдөрдүлэр, төһө да бэйэлэрэ олох оҕо эрээрилэр. Оҕолор бэйэлэрин олохторун харыстаммакка улахан дьону баһаартан быыһаатылар. Биһиги Федерация Сэбиэтин бэрэссэдээтэлин сорудаҕынан кинилэри чиэстиибит. Хорсун быһыы туһунан бары билиэхтээхтэр, бу оҕолор киһи уонна герой холобурун көрдөрдүлэр. Улахан махтал эһиэхэ, оҕолор!», — диэтэ РФ сенатора, Федерация Сэбиэтин федеративнай тутулга, региональнай бэлиитикэҕэ, олохтоох салайыныыга уонна хотугу норуоттар дьыалаларыгар кэмитиэт чилиэнэ Сахамин Афанасьев.
Мэҥэ Хаҥалас улууһуттан Николай Жирков уонна Роберто Ноев бу сайын икки этээстээх дьиэ умайа турарын көрөллөр. Табаарыстарын дьиэтиттэн кини эбэтин быыһаан таһаараллар. Уолаттар түргэнник толкуйдаан, эргэ матараас сытарын булан, саастаах киһи үөһэттэн ыстанарыгар матарааһы тоһуйан биэрэллэр. Кинилэр дьиэлээхтэр малларын таһырдьа таһааралларыгар эмиэ көмөлөһөллөр.
Өлүөхүмэттэн Ромеш Муратов олорор дьиэтигэр баһаар буолбутугар, баһаарынайдар кэлиэхтэрин иннинэ, ыалы уонна ыалын саастаах киһини быыһыыр. 14 саастаах уол, умайа турар дьиэттэн ыала саастаах киһи тахсыбатаҕын көрөн, кыбартыыратыгар киирэр. Уол кырдьаҕаһы уоттан таһаарар.
This post was published on 30.10.2024 12:03 12:03