29 Кулун тутар 29.03
  • -14°
  • $ 92,26
  • 99,71

Саха сиригэр «Георгиевскай лиэнтэ» акция саҕаланна

Читайте нас на
Яндекс Новости
ЯДВ

 Саха сирэ үтүө үгэскэ кубулуйбут Кыайыы күнүн бэлиэтиир Георгиевскай лиэнтэни иилинии акциятыгар кыттыста. Акцияны өрөспүүбүлүкэ киин куоратын сүрүн болуоссаттарыгар «Кыайыы Волонтердара» хамсааһын сахалыы салаата ыытар, диэн СИА иһитиннэрэр.

Георгиевскай лиэнтэни ыам ыйын 9 күнүн көрсө түөскэ иилинии аан дойду үрдүнэн мөлүйүөнүнэн дьону түмэр үтүө үгэс буолар. Бу акция идеята 2005 сыллаахха үөскээбитэ.

«Георгиевскай лиэнтэ- бу биһиги историябыт бэлиэтэ. Аҕа дойду улуу сэриитин историческай суолтатын харыстааһын сыллата күүһүрэр. Билигин өрөспүүбүлүкэҕэ 28 фронтовик-бэтэрээн олорор«, — диэн «Кыайыы Волонтердара» Бүтүн Арассыыйатааҕы общественнай хамсааһын Саха сиринээҕи салаатын координатора Алгыс Петров эттэ.

Волонтердар лиэнтэни ыам ыйын 5-9 күннэригэр 17:00-20:00 диэри Кыайыы болуоссатыгар, Ленин, Орджоникидзе уонна Доҕордоһуу болуоссаттарыгар түҥэтиэхтэрэ.

Следите за самым важным и интересным в Telegram-канале и WhatsApp-группе ЯСИА