Миэрэ 2012 сылтан үлэлиир. Ил Дархан Айсен Николаев эппитинэн, 2024 сылга бырагыраама усулуобуйата уларыйбыта.
«2024 сыллаахха усулуобуйата тупсарылынна — дьиэ кэргэттэр уон сыл буолан баран, маннык төлөбүрү иккистээн туһаныахтарын сөп. Төлөбүр кээмэйэ сылын аайы индексацияланар, быйыл 931 192 солк буолла», – диэтэ салайааччы.
Үлэ министиэристибэтэ иһитиннэрбитинэн, быйыл түөрт ыалга, ол иһигэр биир элбэх оҕолоох, үс оҕо ииттэр, төлөбүр бэриллэрэ быһаарылынна.
Нам улууһун олохтоохторо Анастасия уонна Николай Сивцевтар онус оҕолоро 2024 сыл алтынньытыгар төрөөбүтэ, кинилэр УАЗ-фермер массыынаны ыларга дуогабардастылар.
Дьокуускайтан үс оҕо иитэ ылбыт ыал эмиэ дуогабардарын суруйустулар. Пелагея уонна Михаил Корниловтар 12 оҕону иитэллэр, Оксана уонна Александр Павловтар 10 оҕону, Альбина уонна Алексей Проценколар 12 оҕону.
