15 От ыйа 15.07
  • 24°
  • $ 87,74
  • 95,76

Саха сиригэр Эдэр олимпиецтар пуорумнара саҕаланна

Хаартыска: ЯСИА саайта
Читайте нас на
Яндекс Новости
ЯДВ

Дьокуускайга «Азия оҕолоро» норуоттар икки ардыларынааҕы спортивнай оонньуу чэрчитинэн сылын ахсын Арассыыйатааҕы Олимпийскай кэмитиэтэ ыытар Эдэр олимпиецтарга норуоттар икки ардыларынааҕы пуорум саҕаланна.

Пуорумҥа  24 араас дойдуттан 14-тэн 17-гэр диэри саастаах 250 спортсмен кыттар. Эдэр олимпиецтарга норуоттар икки ардыларынааҕы пуоруму Саха сирин Бырабыыталыстыбатын бэрэссэдээтэлэ Кирилл Бычков, аан дойдутааҕы спортивнай бииргэ үлэлээһиҥҥэ Арассыйатааҕы МИД анал бэрэстэбиитэлэ Михаил Хорев, Беларусь Өрөспүүбүлүкэтин НОК бэрэсидьиэнэ Виктор Лукашенко, «Азия оҕолоро» норуоттар икки ардыларынааҕы оонньуулар кэмитиэтин бэрэсидьиэнэ Владимир Максимов уонна Арассыыйа Олимпийскай кэмитиэтин Бэрэсидьиэнэ Станислав Поздняков  астылар.

«Биһиги Сахабыт сиригэр Эдэр олимпиецтар норуоттар икки ардыларынааҕы пуорумун ыытар чиэскэ тиксибиппитин иһин Арассыыйатааҕы Олимпийскай кэмитиэтигэр истиҥник махтанабыт. Бу түгэн биһиэхэ улахан суолталаах — успуорт көрүҥнэрин сайыннарыыга уонна эдэр талааннары өйөөһүҥҥэ», — диэтэ Саха сирин премьерэ Кирилл Бычков.

Саха сиригэр Эдэр олимпиецтар норуоттар икки ардыларынааҕы пуорум аһыллыбытынан биллэрэн туран, АОК Бэрэсидьиэнэ Станислав Поздняков пуорум чэрчитинэн үөрэхтээһин бырагыраамаларынан эдэр олимпиецтар пуорума оҕолору көмүскээһиҥҥэ бэйэлэрин кылааттарын киллэрэргэ, олимпийскай чөмпүйүөннэри саҥа ситиһиилэргэ көҕүлүүргэ улахан суолталааҕын  ыйда.
Тэрээһин чэрчитинэн эдэр спортсменнар Дьокуускайга биллиилээх спортсменнары, успуорт легендаларын, ол иһигэр Олимпийскай чөмпүйүөннэри уонна призердары, ону тэҥэ инники «Азия оҕолоро» оонньууларга кыттыбыт спортсменнары кытта кэпсэттилэр, суруйда Саха сирэ.
Дьокуускайга «Азия оҕолоро»оонньуу Олимпийскай дэриэбинэтигэр VI Эдэр олимпиецтар норуоттар икки ардыларынааҕы пуорум  бэс ыйын 30 күнүгэр диэри  ыытыллыаҕа.
Следите за самым важным и интересным в Telegram-канале и WhatsApp-группе ЯСИА