Саха сирин үбүн миниистирин э.т. Иван Алексеев өрөспүүбүлүкэ баһылыгын уонна бырабыыталыстыбатын дьаһалтатын социальнай ситимнэргэ официальнай страницаларыгар быһа эфиргэ өрөспүүбүлүкэ 2025 сыллааҕы бюджетын толорууга барыллаан көрдөрүүлэри билиһиннэрдэ. Кини Саха сирин муниципальнай тэриллиилэрэ нолуогу киллэриигэ көхтөөхтүк үлэлээбиттэрин бэлиэтээтэ. Ол туһунан www.sakha.gov.ru саайт суруйар.
«Биһиги бу практиканы дойду үрдүнэн тарҕатар туһунан этиилээх федеральнай салалтаҕа тахсыбыппыт, тоҕо диэтэххэ, бу муниципальнай тэриллиилэр олохтоох бюджеттарын көдьүүстээхтик тэрийэргэ кыаҕы биэрэр. Урут, үгэс быһыытынан, Мииринэй уонна Ленскэй оройуоннар эрэ үп -харчы өттүнэн бэйэлэрэ кыахтаах эбит буоллахтарына, кэлин кинилэргэ Нерюнгри оройуона, оттон былырыын Алдан оройуона холбоспуттара. Оттон быйылгыттан Өймөкөөн улууһа дотацията тохтоото. Нолуок киириитэ ороскуоттаах эбээһинэһи бэйэ дохуотун суотугар олоххо киллэрэр кыаҕы биэрэр буолла», — диэн муниципальнай тэрээһиннэр ыыппыт үлэлэрин үрдүктүк сыаналаата Иван Алексеев.
Сиһилии манна аах.
This post was published on 16.01.2026 15:06 15:06