Сүрүн сыала — сааһырыыттан ыарыыны профилактикалыыр, физическэй уонна психологическай көхтөөх буолуу боппуруостарыгар уопсастыбаннас болҕомтотун тардыы, маны сэргэ доруобай уһун үйэлэнии ньымаларын ситиһии буолар.
Биэдэмистибэҕэ бэлиэтээбиттэринэн, Нэдиэлэ чэрчитинэн №3-дээх өрөспүүбүлүкэтээҕи клиническай балыыһаҕа баҕалаахтарга диспансеризация уонна профилактическай медицина көрүүлэрэ тэриллэллэр, медицина профилактикатын кабинета үлэлиэҕэ. Быраастар кыаммат пациеннарга дьиэлэригэр сылдьыахтара. Пневмококковай инфекция утары вакцинация оҥоһуллуоҕа.
Санаттахха, 2023 сыл бүтүүтэ Саха сиригэр орто олох уһуна аан бастакытын Россия көрдөрүүтүн куоһарбыта. Бу федеральнайдааҕы уонна өрөспүүбүлүкэтээҕи саастаах дьону өйүүр миэрэлэргэ уонна РФ президенэ Владимир Путин көҕүлээбит «Продолжительная и активная жизнь» национальнай бырайыакка олоҕуран ситиһилиннэ.
This post was published on 06.05.2025 13:02 13:02