Саха сиригэр дьиэтээҕи таба ахсаана улаатта. Бары көрүҥ хаһаайыстыбаларга таба ахсаана 182 тыһыынчаттан тахса төбөҕө тиийдэ.
Тыа хаһаайыстыбатын министиэристибэтигэр хоту дойду төрүт хаһаайыстыбатын сайыннарыыга отделын салайааччыта Иннокентий Баланов кэпсииринэн, билигин таба ахсаанын элбэтии, тыһы табалары буоһатыы хампаанньата түмүктэннэ.
«Бүгүн бары көрүҥ хаһаайыстыбаларга таба ахсаана 182 644 төбө. Бу көрдөрүү ааспыт сыл туһааннаах кэминээҕэр 7,3 бырыһыанынан элбэх, былааннаммыт таһымтан 5,2 бырыһыан үрдүк. Сиппит таба ахсаана отчуоттуур кэмҥэ 85,4% тэҥнэһэр», — диэн Баланов иһитиннэрдэ.
