19 От ыйа 19.07
  • 21°
  • $ 87,88
  • 96,1

Саха сиригэр дьиэ ыттарыгар киһиэхэ тарҕанар инфекцияны буллулар

Читайте нас на
Яндекс Новости
ЯДВ

Саха сиригэр дьиэ ыттарыгар бруцеллёз булулунна. Бу инфекционнай ыарыы, киһиэхэ эмиэ сыстыан сөп. Куорат территориятыгар харантыын олохтонно. СИА-ҕа өрөспүүбүлүкэ ветеринариятын Департаменыгар иһитиннэрбиттэринэн, бруцеллез Кане-Корсо боруода ыкка көстүбүт.

Биир уус ыттар. Билигин ийэлэрэ, атыыра уонна ыт оҕолоро ханна бааллара чуолкайданна. Биирдии ыт Үөһээ Бүлүүгэ, Ньурбаҕа, икки ыт Мэҥэ Хаҥаласка, уоннааҕылар Дьокуускайга бааллар.

Манна эпизоотическай көстүү баара бэлиэтэннэ. Хаһаайыттары кытта кэпсэтии ыытылынна. Роспотребнадзор үлэһиттэрэ анаалыстары ыллылар. Маны сэргэ алтыспыт ыттарыттан биологическай матырыйаал хомулунна.

«Бруцеллезтан вакцина өссө оҥоһулла илик, ол иһин ыалдьыбыт кыыллар суох оҥоһуллаллар. Дьокуускайга ыты дьаарбатыы бобуута суох. Ити эрээри ыт куонукурстарын, быыстапкаларын ыытыы көҥүллэммэт», — СИА-ҕа Департамент салайааччыта Петр Петров эттэ.

Следите за самым важным и интересным в Telegram-канале и WhatsApp-группе ЯСИА