Саха сиригэр Даун синдромнаах спортсменнар остуол тенниһигэр Бүтүн Россиятааҕы күрэхтэһиигэ кытталларын өйүүр хомуур биллэрилиннэ. Кыргыттар атырдьах ыйыгар Богатые Сабы пгт-га ыытыллар Татарстан Кубогар кыттыахтара. Ол туһунан «Харысхал» аһымал пуонда пресс-сулууспатыгар иһитиннэрдилэр.
Көмөнү сигээнэн эбэтэр баан сыһыарыытыгар QR-куодунан оҥоруохха сөп. Акцияҕа кыттыһан, чемпионкалары ким баҕарар өйүүр кыахтаах.
Үбү хомуйуу кулун тутар 20-22 күннэригэр кулун тутар 21 күнүгэр Даун синдромнаах дьон Аан Дойдутааҕы күннэригэр анаммыт сылын аайы ыытыллар #СолнечныйДеньЯкт акция чэрчитинэн ыытыллыаҕа. Тэрийээччилэр — «Харысхал» пуонда уонна «Солнышки Якутии» төрөппүт түмсүүтэ.
Хаартыска: ЯСИА саайта
Акция бэлиэтэ араас өҥнөөх наскылар буолаллар: кулун тутар 21 күнүгэр кыттааччыларга чаҕылхай эбэтэр араас наскыны кэтэн, хаартыскаҕа түһэрэн уонна #солнечныйденьякт диэн хештегтаах социальнай ситимнэргэ бэчээттииргэ этиллэр.
«Социальнай ситим лиэнтэлэрэ өйөбүл чаҕылхай кырааскаларынан туоллуннар. Бу биһиги аттыбытын, көмөлөһөргө бэлэмнээхпитин көрдөрөр боростуой, ол эрээри улахан суолталаах ньыма», — диэн тэрийээччилэр бэлиэтииллэр.
