Дьааҥы оройуонугар тутааччылар сылгылаах киһи былыргы көмүүтүн булбуттар. ЯСИА өрөспүүбүлүкэ культурнай нэһилиэстибэ эбийиэктэрин харыстыыр Управлениетын салайааччыта Николай Макаров иһитиннэрбитинэн, бу барыллаан, 18-с үйэҕэ диэри сахалар былыргы көмүүлэрэ.
«Бэҕэһээ Дьааҥыттан чугас дамба тутуллар сиригэр бульдозер үлэлиир кэмигэр былыргы көмүүгэ түбэспиттэрин туһунан иһитиннэрии киирдэ. Тутааччылар булумньуну тыыппатылар, тута биллэрдилэр. Билигин миэстэтигэр көрүүгэ археологтар барыахтара. Научнай чинчийиини тымныылар түһүөхтэрин иннинэ оҥоһуллар. Маннык киһини сылгылаах көмүүлэр сахаларга 18-с үйэҕэ дылы баара. Өссө эрдэ буолуон сөп. Чинчийии быһаарыаҕа. Үлэһиттэр иһитиннэриилэринэн, онно хас да көмүү баар буолуон сөп. Ону сэргэ, кинилэр эппиттэринэн, булуллубут сиртэн чугас оччотооҕу сахалар олорбут сирдэрэ баар буолуон сөп», — диэн ЯСИА Николай Макаров кэпсээтэ.
This post was published on 17.09.2025 18:11 18:11