Саха сиригэр чаҕылхан охсуутуттан биллэр хараҥа тураҕас атыыр сылгы Мэйн Кониг өллө. Маннык биричиинэни ветеринарнай экспертиза оҥордо, суруйар ЯкутияDaily.
Мэйн Кониг үс төгүл Саха сирин баһылыгын бирииһигэр сүүрдүүгэ кыайбыта, иккитэ — Манчаары оонньууларыгар чөмпүйүөннээбитэ, Лээги Кубогын хаһаайына.
Чурапчы оройуонун аатыттан кыттар сүүрүк ат стартка 36 төгүл тахсыбыта уонна бэйэтин сөҕүмэр кыаҕын көрдөрбүтэ: 21 кыайыы, 8 иккис миэстэ уонна 5 үһүс миэстэ, биирдэ Ил Дархан бирииһигэр төрдүстээбитэ. Биир эрэ сүүрүүгэ бирииһэ суох хаалбыта.
Мэйн Кониг 2013 сыллаахха АХШ-га төрөөбүтэ, аҕата биллэр Майншафт уонна ийэтэ Тзе Куинз Стэмп. Ууһугар — легендарнай Секретариат (1970–1989), 1973 сыллаахха «Тройной корона» кыайыылааҕа, рекордтары олохтообута, онтон иккитин билигин да ким да куоһара илик.
This post was published on 07.08.2025 15:26 15:26