Регион быыһыыр сулууспата иһитиннэрбитинэн, Чурапчыга 75 саастаах дьахтары көрдүүллэр. Кини от ыйын 18 күнүгэр сарсыарда 6.30 чааска дьиэтиттэн тахсыбыт уонна сүппүт. Көрдөөһүҥҥэ Чурапчыттан уонна Тааттаттан көрдүүр-быыһыыр этэрээт быыһааччылара уонна 38 волонтер үлэлиир.
Чурапчы улууһун Мындаҕайыгар сулууспа түөрт водолаһа уонна олохтоохтор от ыйын 20 күнүгэр Амма эбэҕэ тимирбит 23 саастаах эр киһини көрдүүллэр.
Ньурба оройуонугар 44 саастаах эр киһи Чкалов сэлиэнньэтигэр от ыйын 21 күнүгэр Бэрэ күөлгэ балыктыы барбыт уонна төннүбэтэх. Киэһэ тыыта уонна илимэ көстүбүт. Икки быыһааччы сүппүт киһи аймахтарын уонна олохтоох дьону кытта көрдөөһүҥҥэ турунна.
Уус Алдан оройуонугар деменциялаах 53 саастаах дьахтары көрдүүллэр. От ыйын 22 күнүгэр кини дьиэ кэргэнин кытта Лөгөй нэһилиэгин Хомустаах сэлиэнньэтин аттыгар Сылгыһыттаахха сынньаммыт. Биллибэт хайысханан барбыт.
