Саха сиригэр бырамыысылынай ититэр хочуоллары уонна хочуолунай тэрилин оҥорор собуот тутуллуохтаах. Бу туһунан СӨ бырабыыталыстыбатын бэрэссэдээтэлин бастакы солбуйааччы Джулустан Борисов мунньаҕы ыытта.
Джулустан Борисов этэринэн бэйэ хочуоллары оҥоруу бородууксуйа сыанатын чэпчэтиэ уонна хаачыстыбатын тупсарыа. Ону таһынан саҥа собуокка эбии үлэ миэстэтэ тахсыа.
Тутуу «Саха сирэ» урутаан сайдыы территориятыгар Капитоновка учаастагар барыахтаах диэн Дьокуускайдааҕы хочуол собуотун дириэктэрэ Пуд Тимофеев кэпсээтэ. Собуот үлэҕэ киирэн сылга 120 устуукаҕа диэри ититэр хочуоллары оҥорон таһаарыахтаах.
This post was published on 07.08.2024 12:42 12:42