2022 сылга Саха сирин оройуоннарыгар көһө сылдьар медицинскэй комплекс көмөтүнэн 32 тыһыынчаттан тахса киһи быраас өҥөтүнэн туһанна. Быраастар өрөспүүбүлүкэ уһук сытар нэһилиэктэр олохтоохторун барыта 437-тэ тахсан көрдүлэр, диэн регионнааҕы Доруобуйа харыстабылын пресс- сулууспата иһитиннэрдэ.
Көһө сылдьар биригээдэлэр сокуоннай саастарын ситэ илик оҕолорго онкологическай ыарыылары эрдэ быһаарарга, медосмотрдары уонна диспансеризацияны ыыттылар, доруобуйаны бөҕөргөтүүгэ уонна чөл олоҕу тупсарыыга профилактическай үлэ ыытылынна.
Санатан эттэххэ, өрөспүүбүлүкэ КамАЗ базалаах көһө сылдьар медицинскэй комплекстары, дойду бырабыыталыстыбатын көмөтүнэн » Доруобуйа харыстабылын» национальнай бырайыагы олоххо киллэрии чэрчитинэн атыыласпыта.
Комплекстар Алдан, Үөһээ Бүлүү, Кэбээйи, Мэҥэ Хаҥалас, Нам, Ньурба, Сунтаар, Томпо, Уус Алдан, Хаҥалас, Чурапчы, Ленскэй, Уус-Маайа уонна Дьааҥы оройуоннарын медицинскэй тэрилтэлэригэр киирбиттэрэ.
