Саха сиригэр бырааска суруйтарыы билигин Max национальнай мессенджерга бот нөҥүө баар. Бу туһунан доруобуйа харыстабылын министиэристибэтин пресс-сулууспата иһитиннэрэр.
Боту үлэлэтэргэ мессенджерга киириллэр, онтон хас да судургу дьайыылары толоруохха наада:
- СНИЛС уонна төрөөбүт күнү киллэриллэр.
- Исписэлиис → быраас → күнэ-дьыла → бириэмэтэ.
- Бигэргэтиини тут.
Манна аймаҕы эмиэ бырааска суруйуохха, эрдэ суруйтарбыты сотторуохха, суруйтарыылары хос көрүөххэ сөп. Max мессенджер бырааска суруйуу бүтүннүүтүн судургутутар уонна регион балыыһаларын уонна поликлиникаларын регистратуратыгар эрийиини аҕыйатар.
Саха сирин доруобуйа харыстабылыгар электроннай суруйуу, онлайн-сервис тиһигин сайыннарыы Россия президенэ Владимир Путин көҕүлээбит «Уһун уонна көхтөөх олох» национальнай бырайыагын сыалын-соругун толорууга сигэнэр. Бу үлэ итини тэҥэ Саха сирин баһылыга Айсен Николаев бигэргэппит экономика, социальнай эйгэ уонна судаарыстыбаннай салайыы салааларын цифровой трансформациялааһын Стратегиятын чэрчитинэн ыытыллар.
