«Дьадайыыны утары охсуһууга социальнай хантараак саамай сөптөөх механизм буолар. Ил Дархан ыйааҕынан ылыллыбыт дьаһал кыра дохуоттаах дьону өйүүр сыаллаах. Социальнай көмө оҕолоох ыалларга, соҕотох олорор дьон үлэнэн хааччыллалларыгар туһаайыллар, бэйэ дьыалатын арыйан, ыарахан кэмнэрин туруктаахтык аһардалларыгар соруктаах. Маны сэргэ анал бырагыраамалар бааллар, оһуобай усулуобуйалаах, инбэлииттэргэ уонна үлэлээбэт биэнсийэлээхтэргэ анаммыт», – диэтэ Альбина Трубина.
2024 сылтан регион баһылыга Айсен Николаев сорудаҕынан кэтэх хаһаайыстыбаны көрүүгэ (ЛПХ) уонна предприниматель буолан үлэлииргэ (ИП) көрүллэр харчы 500 тыһыынча солк диэри тиийиэн сөп, бизнес-былааныттан (ороскуот сметата) көрөн.
2025 сылга бэрээдэккэ киирбит уларыйыынан буолар, орто дохуоту ааҕыыга оҕо төрөөһүнүнэн уонна иитиинэн ылар босуобуйа учуоттаммат. Маннык саҥардыы дьиэ кэргэн бэйэ дьыалатын арыйарыгар судаарыстыба көмөтүн туһанарыгар ордук мэктиэлээх буолуоҕа.
This post was published on 18.03.2025 10:17 10:17