Саха сирин бары хаһаайыстыбаларыгар 2023 сылга 162 мөл. тахса сымыыты оҥорон таһаарара былааннанар. Ити былырыыҥҥытааҕар 4,5% элбэх, ол аата 7 мөл. устуукаанан элбээбит. Сымыыты оҥорон таһаарыы кээмэйэ өрөспүүбүлүкэ нэһилиэнньэтин наадыйыытын 55% хааччыйыаҕа.
Көтөр бородууксуйатын 90,5%- на өрөспүүбүлүкэҕэ баар бөдөҥ тэрилтэлэргэ оҥоһуллар. Ордубут 9,5% бааһынай уонна кэтэх хаһаайыстыбаларга тиксэр.
Өрөспүүбүлүкэҕэ 3,3 тыһ. туонна көтөр этин оҥорон таһаараллара былааннанар, ол аата региоҥҥа эти оҥорон таһаарыы уопсай кээмэйиттэн 8 %- нын ылар.
This post was published on 28.07.2023 14:05 14:05