От ыйын 28 күнүттэн атырдьах ыйын 1 күнүгэр диэри Саха сиригэр быар ыарыытын сэрэтэр нэдиэлэ буола турар. Норуоттар ардыларынааҕы гепатит ыарыыны кытта охсуһар күҥҥэ ананар. Ол туһунан доруобуйа харыстабылын министиэристибэтэ иһитиннэрдэ.
Нэдиэлэ устата нэһилиэнньэҕэ быар ыарыытын, эрдэлээн диагностика уонна чөл олох туһунан кэпсиэхтэрэ.
Министиэристибэҕэ бэлиэтээбиттэринэн, быар киһи организмыгар олус суолталаах уорган буолар, иккис сүрэх кэриэтэ. Быар сүрүн оҥоһуута — аһы, салгыны, эми кытта киирсэр токсиннартан хааны ыраастыыр, инфекциялары кытта охсуһар уонна иммуннай систиэмэ үлэтигэр көмөлөһөр.
Ордук тарҕаммыт быар ыарыытынан буолар — эмискэ ыалдьыбыт уонна хроническай гепатит.
This post was published on 28.07.2025 16:30 16:30