Нерюнгри оройуонугар буолбут бастакы норуоттар ардыларынааҕы үгэскэ кубулуйбут таба иитиитигэр чемпионат кыайыылаахтарынан Ханты-Мансийскай автономнай уокурук хамаандата — ЮГРЫ — буолла.
Чемпионнар санааларын кэпсээтилэр. «Чемпионакка элбэх киһи кэлбитэ үөрүүлээх, кинилэр бары табаһыттар. Кинилэри кытта кэпсэтэр, саҥаны билэр олус үчүгэй. Кыайыыбытынан наһаа үөрдүбүт. Күүппэтэхпит. Биир эмэ түмүгү ситиһиилээхтик көрдөрүөхпүт, биэс, уон иһигэр киириэхпит диэн былааннаабыппыт. Биһиги бэйэбит үлэбитин оҥордубут, оҕо эрдэхпититтэн тугу сатыырбытын көрдөрдүбүт. Биһиэхэ күрэхтэһии арыый атын соҕустук барар. Онтон манна хамаанданан үлэ ордук суолталаах буолла», — диэтилэр кинилэр.
ЮГРЫ-лар кэпсээбиттэринэн, саамай ыарахан түһүмэҕинэн табанан сүүрдүү буолбут. Тоҕо диэтэххэ сэттэ килэмиэтирдээх сири атын табаларынан сырыһыннарбыттар.
Норуоттар ардыларынааҕы чемпионакка дойду 13 региона уонна Китай, Монголия, Гренландия, Исландия табаһыттара кытыннылар.
Спонсордар: ООО «Транснефть-Восток», ООО «Газпром трансгаз Томск», ООО «АнтрацитИнвестПроект», АО «ПолюсАлдан», ПАО «Селигдар», «СТС-Уголь», ООО «УК «Колмар», ООО «Золото Тимптона», ООО «Долгучан».
