11 Атырдьах ыйа 11.08
  • 16°
  • $ 60,45
  • 61,7

Саха сиригэр булт болдьоҕо уларыйыа

15:01, 18 ноября 2020
Текст:

Сэтинньи 17 күнүгэр вице-премьер Алексей Колодезников булт уонна булт хаһаайыстыбатын Сэбиэтин мунньаҕар «Саха сиригэр булт көрүҥүн быһаарар итиэннэ бултуур сиргэ булт быраабылаларын» туһунан Ил Дархан Ыйааҕын барылын көрдө.


2021 сыл тохсунньу 1 күнүттэн РФ бултка саҥа быраабылаларыгар олоҕуран өрөспүүбүлүкэҕэ булт көрүҥнэрэ итиэннэ бултуур сирдэргэ булт бэрээдэктэрэ чопчуланыахтаахтар.

Айылҕа миниистирин солбуйааччы Николай Додохов саҥа быраабылаларынан булт ахсаанын бэрээдэктиир сыалтан куобахха, ойуур көтөрдөрүгэр, бөрөҕө булт туһаҕынан көҥүллэнэрин иһитиннэрдэ. Туһах көрүҥэ, ханнык оройуоҥҥа ити булт көрүҥэ көҥүллэнэрэ Ыйаах барылыгар суруллубут.

Итини тэҥэ хараҥаҕа туйахтаах, түүлээх кыыллары, эһэни бултуурга сырдатар сириэстибэлэри, тепловизордары, түүнүн көрөр прибордары хааччахтыыр туһунан этиллэр.

Тайахха, дьиикэй табаҕа, эһэҕэ, бөрөҕө, андаатараҕа, көтөрдөргө, мончуугунан кустанар атыыр кустарга, андыга булт болдьоҕо уларыйара сабаҕаланар.

Следите за самым важным и интересным в Telegram-канале и WhatsApp-группе ЯСИА
0
0