Саха сирин экологияҕа министиэристибэтэ СИА-ҕа иһитиннэрбитинэн, муус устар 30 күнүгэр диэри булка көҥүлү биэрии тохтотулунна. Манна төрүөтүнэн саҥа коронавируснай инфекция тарҕаныытын куттала буолла.
Өрөспүүбүлүкэ нэһилиэнньэтин саҥа коронавируснай инфекцияттан харыстыыр сыалтан, регион туһааннаах министиэристибэтэ муус устар 30 күнүгэр диэри булка көҥүлү биэриини тохтотто. Регион сиригэр-уотугар булт сезонун ууратар туһунан быһаарыы ылылла илик.
Санатар эбит буоллахха, Саха сиригэр 19 киһи коронавирус инфекциятыгар хаптарда, онтон 10 үтүөрдэ, 9 салгыы эмтэнэр. Өлүү суох.
This post was published on 10.04.2020 18:45 18:45