Саҥа төрөөбүт ньирэйдэр туруктара үчүгэй. Бастакы хардыыларын оҥордулар, ийэлэрин кэнниттэн сылдьаллар. Түүлэрэ кытархай, ыйааһыннара 14 кг. Аҕыйах ыйынан түүлэрэ хараҥа хоҥор буолуоҕа, муостара биллиэҕэ, санныларын моһуона көстүөҕэ. Билигин ийэлэрин үүтүнэн эрэ аһыыллар.
«Бэс ыйыгар от үүннэҕинэ ону сиэбитинэн барыахтара, ийэлэрин үүтүн иһэллэр. Улахан бизоннар ньирэйдэргэ сыһыаннара үчүгэй, харыстыыллар, дьоҥҥо чугаһаппаттар», — дирекцияҕа эттилэр.
Сылын аайы ойуур бизоннара 30–35 төбөнөн эбиллэллэр. Бүгүҥҥү күҥҥэ региоҥҥа 300 баар.
This post was published on 24.04.2025 14:58 14:58