Саха сиригэр сыл саҕаланыаҕыттан биир кэлим босуобуйа 92 586 оҕоҕо уонна 3 374 дьахтарга ананна. Бу кэмҥэ өрөспүүбүлүкэ үрдүнэн ыалларыгар 8 млрд 214 мөл. солк. тахса үп көрүллүбүт. Ол туһунан атырдьах ыйын 15 күнүгэр Арассыыйа социальнай пуондатын отделын салайааччы Марина Герман кэпсээтэ.
Кини төлөбүрү аныырга 12 ыйдааҕы дохуот учуоттанарын санатта. Онуоха дохуоту сайабылыанньа бэриллибит ыйтан учуоттаан саҕалыыллар. Холобур, 2023 сыл балаҕан ыйыгар босуобуйа ыларга сайабылыанньа биэрдэххэ, 2022 сыл атырдьах ыйыттан 2023 сыл от ыйыгар диэри дохуот учуоттанар.
This post was published on 15.08.2023 15:45 15:45